2 years ago
सरकारको कामकारवाहीको विरुद्ध काठमाडौंको बागबजारमा नेपाली कांग्रेस (वी.पी.)ले आयोजना गरेको विरोध सभामा प्रहरीले हस्तक्षेप गरेको छ ।
कोरोना महामारीका बीच पनि सरकारले जनताको पक्षमा कुनै पनि काम गर्न नसकेको भन्दै कांग्रेस (वी.पी.) ले सरकारबिरुद्ध विरोधसभाको आयोजना गरेको थियो । पद्मकन्या क्याम्पसको गेट बाहिर प्रदर्शन गर्न खोज्दा प्रहरीले पानीको फोहोर प्रहार गरी तितरवितर पारेको थियो ।
प्रहरीले हस्तक्षेप गरेपछि विरोधसभा नै प्रभावित भएको थियो । कोरोना माहामारीका कारण युवाहरु बेरोजगार भएको, व्यवसाय गर्ने वातावरण बन्न नसकेको अवस्थामा सरकार भने मौन रहेको कांग्रेस (वी.पी.)को आरोप छ ।
त्यस्तै कांग्रेस (वी.पी.)ले सरकारले राष्ट्रघाति काम गरेको आरोप पनि लगाएको छ ।
