2 years ago
साउदी अरबले कतारमाथि लगाएको नाकाबन्दी हटाएको छ ।
तीन वर्षअघि साउदी अरबले कतारमाथि नाकाबन्दी लगाएको थियो । मंगलबार साउदी अरबमा हुने गल्फ (अपरेसन काउन्सील जीसीसी सम्मेलनको पूर्वसन्ध्यानमा साउदीले कतारमाथिको प्रतिबन्ध हटाउने निर्णय गरेको हो । जीसीसीको सम्मेलनमा खाडी देशका ६ देश सहभागी हुने छन् ।
सम्मेलनमा साउदी र कतारबीचको विवाद समाधान सम्बन्धी सम्झौतामा हस्ताक्षर हुने अमेरिकी अधिकारीहरुले बताएको छ।
कतारले आतंकवादलाई बढावा दिएको आरोप छिमेकी देशहरुले लगाएपछि साउदी अरबले हवाई र स्थल नाकाबन्दी गरेको थियो । कतारमाथि व्यापारिक, राजनीतिक र यात्रा प्रतिबन्ध पनि लगाइएको थियो ।
कतार माथि लगाएको प्रतिबन्ध लामो समयको प्रयासबाट हटाउन सम्भव भएको हो र यो प्रतिबन्ध हटाउन कुवेतले महत्वपुर्ण भूमिका खेलेको बताएको छ ।
