2 years ago
भारत कोरोना भाइरस बाट संक्रमित हुनेको संख्याको आधारमा विश्वको दोस्रो स्थानमा पुगेको छ ।
भारतमा कोरोनाको संख्या बढ्दै गएपछि अहिले भारत ब्राजिललाई पछि पार्दै दोस्रो स्थानमा पुगेको हो । हालसम्म भारतमा कोरोना भाइरसबाट संक्रमित हुनेको संख्या ४२ लाख चार हजार ६१४ पुगेको छ भने गएको २४ घण्टामा भारतमा ९० हजार ८०२ जना नयाँ संक्रमित थपिएको भारतको स्वास्थ्य मन्त्रालयले जनाएको छ ।
हालसम्म ब्राजिलमा कोरोना भाइरसको ४१ लाख ४० हजार भन्दा बढी संक्रमित भएको ब्राजिलको स्वास्थ्य मन्त्रालयले जनाएको छ ।
भारतमा कोरोना संक्रमणबाट ७१ हजार ६४२ जनाको मृत्यु भईसकेको छ भने पछिल्लो २४ घण्टामा एक हजार १६ जनाको मृत्यु भएको हो मृतक संख्याको आधारमा भारत विश्वको तेस्रो स्थानमा रहेको छ ब्राजिलमा अहिलेसम्म कोरोनाको कारण एक लाख २६ हजार ६५० जनाको मृत्यु भइसकेको छ ।
भारतमा ३२ लाख ५० हजारभन्दा धेरै संक्रमित निको भएर घर फकिसकेका छन् भने आठ लाख ८२ हजारभन्दा धेरै संक्रमित उपचारत अवस्थामा रहेका छन ।
