2 years ago
भारतमा १० लाख भन्दा बढीमा कोरोना संक्रमण देखिएको छ । अहिलेसम्म भारतमा कोरोना भाइरसको संक्रमण १० लाख तीन हजार ८३२ पुगेको भारतको स्वास्थ्य मन्त्रालयले जनाएको छ । पछिल्लो २४ घण्टामा ३४ हजार ९५६ नयाँ संक्रमित फेला परेका छन् ।
भारतमा कोरोना भाइरसबाट २५ हजार ६०२ जनाको मृत्यु भईसकेको छ । बढ्दो कोरोना संक्रमणको विषयलाई लिएर विपक्षी दल कांग्रेसका नेता राहुल गान्धीले सामाजिक सञ्जाल ट्वीटरमा ट्वीट गर्दै बढ्दो संक्रमण रोक्न ठोस र योजनाबद्ध कदम चाल्नु जरुरी रहेको बताएका छन् । भारतमा अहिलेसम्म ६ लाख ३५ हजार ७५७ जना निको भइसकेका छन् ।
