2 years ago
सत्तारुढ दल नेपाल कम्युनिस्ट पार्टी ( नेकपा) को सचिवालय बैठक सोमबार बस्ने भएको छ ।
स्रोतका अनुसार सचिवालय बैठक सोमबार विहान साढे ९ बजे बस्न बोलाइएको छ । अध्यक्षद्वय केपी शर्मा ओली र पुष्पकमल दाहाल प्रचण्डले पार्टीको विवादमा समाधान खोज्न कार्यदल गठन गरेपछि वरिष्ठ नेता झलनाथ खनाल, माधवकुमार नेपाल र नारायणकाजी श्रेष्ठले विधि पद्धतिको मुद्दा उठाएका थिए । बैठकले कार्यदललाई औपचारिकता दिने सम्भावना रहेको छ ।
वरिष्ट नेताहरुले शनिबार पार्टी अध्यक्ष प्रचण्डलाई भेटेर पार्टी सचिवालयको बैठक राखेर कार्यदल गठन गर्नु उपयुक्त हुने धारणा राखेका थिए ।
