2 years ago
स्थानीय बजारमा आज सुनको मूल्य प्रतितोला १ हजार ६ सय रुपैयाँले उकालो लागेको छ । बुधबारको तुलनामा आज छापावाला सुन प्रतितोला १ हजार ६ सयले वृद्धि भएर ९२ हजार ६ सयमा कारोबार भएको छ ।
बुधबार छापावाला सुनको मूल्य प्रतितोला ९१ हजार निर्धारण गरिएको थियो । यस्तै, तेजाबी सुन पनि तोलामा १ हजार ६ सयले नै वृद्धि भएको नेपाल सुनचाँदी व्यवसायी महासंघले जनाएको छ ।
प्रतितोला ९० हजार ५ सय ५० मा बुधबार कारोबार भएको तेजाबी सुन आज प्रतितोला ९२ हजार १ सय ५० मा खरीदबिक्री हुने गरी मूल्य निर्धारण गरिएको छ ।
यस्तै, चाँदीको मूल्य आज प्रतितोला २० ले वृद्धि भएको छ । प्रतितोला १ हजार १८५ मा बुधबार कारोबार भएको चाँदी आज भने प्रतितोला १ हजार २ सय ५ रुपैयाँ तोकिएको महासंघले जनाएको छ ।
