2 years ago
पुष महिनाको पहिलो दिन सुनको मूल्य तोलामा ८ सय रुपैयाँले बढेको छ ।
मंगलबार प्रतितोला ९२ हजार ३ सय रुपैयाँमा कारोबार भएको सुन आज तोलामा ८ सय रुपैयाँले बढेर ९३ हजार १ सय रुपैयाँ कारोबार भएको नेपाल सुन चाँदी व्यवसायी महासंघले जनाएको छ ।
यस्तै तेजाबी सुन आज प्रतितोला ९२ हजार ६५० मा कारोवार भएको छ । मङ्गलबार भने ९१ हजार ८५० मा कारोवार भएको थियो । चाँदीमा पनि प्रतितोला रु ३० ले वृद्धि भएको छ । मङ्गलबार एक हजार २०० मा कारोबार भएको चाँदी आज भने एक हजार २३० मा कारोबार भएको छ ।
