2 years ago
अमेरिकामा कोरोना भाइरस संक्रमणका कारण एक लाख ५० हजारभन्दा बढीको मृत्यु भएको छ ।
अहिलेसम्म अमेरिकामा कोरोना संक्रमणबाट मृत्यु हुनेको संख्या १ लाख ५० हजार ४ सय ४७ छ भने ४४ लाख १४ हजार ८ सय ३४ जनामा कोरोना संक्रमण पुष्टि भएको जोन्स हप्किन्स विश्वविद्यालयले जनाएको छ ।
अमेरिकाका संक्रामण रोग विशेषज्ञ डा. एन्थोनी फाउचीले कोरोना संक्रमण तीव्र रुपमा बढ्नुमा स्वास्थ्य विशेषज्ञहरुको सल्लाह नमानेर संक्रमण बढेको बताएका छन् ।
ब्राजिल कोरोनाबाट प्रभावित अमेरिकापछिको दोस्रो मुलुक हो । ब्राजिलमा कोरोना संक्रमितको संख्या २५ लाख ५२ हजार २ सय ६५ पुगेको छ भने मृत्यु हुनेको सङ्ख्या ९० हजार १ सय ३४ जनाको पुगेको छ ।
