2 years ago
सरकारले अस्पतालको सेवा नपुगेको भन्दै कुल ६४ करोड ९० लाख लागतमा ६४९ वटा स्थानीय तहमा अस्पताल बनाउने निर्णय गरेको छ।
५ बेडको अस्पताल बनाउने प्रयोजनका लागि स्वास्थ्य तथा जनसंख्या मन्त्रालयबाट हरेक स्थानीय तहका लागि मापदण्ड समेत स्वीकृत भएको छ । सोही मापदण्डमा आधारित भएर स्थानीय तहले तत्काल पूर्वाधार निर्माणको काम थाल्नु पर्ने भएको छ ।
१० लाख रुपैयाँले अपुग भएको रकम भने स्थानीय तहले नै व्यवस्थापन गर्नुपर्ने गरी व्यवस्था मिलाइएको छ । यो बजेटले ३ महिनाभित्र अस्पताल बनाई सक्नुपर्ने छ ।
कोषले प्रतिशैया २ लाख रुपैयाँका दरले तोकिएका स्थानीय तहमा १० लाख रुपैयाँ निकासा दिने निर्णय गरेको छ ।
