2 years ago
“सागा दावा” को अर्थ
दावाको अर्थ तिब्बतीमा "महिना" हो र सागा शब्द, तिब्बती ज्योतिष, (सागा तारा) बाट आएको हो जुन चौथो चन्द्रमासको पूर्णिमासँग सम्बन्धित छ।
संसारभरका बौद्ध अनुयायीहरूले विभिन्न तरिकाले सागा दावा पालना गर्छन्। यो एक पवित्र महिना हो जहाँ बौद्धअनुयायीहरूले बुद्धको जन्म, ज्ञान र मृत्यु मनाउँछन्।
यो विश्वास गरिएको छ कि यस महिनामा गरेका सुद्भावपूर्ण कार्यहरू करिब सय करोड पटक गुणा हुन्छन् त्यसैले सागा दावा आफूलाई राम्रो कामहरू र सकारात्मक आध्यात्मिक कार्यहरूमा समर्पित गर्नका लागि एक उत्कृष्ट समय हो। सागा दावा चौथो तिब्बती महिनामा हुन्छ र २०२० ए.डी मा मे २३ बाट सुरू भई जुन २१ मा समाप्त हुन्छ।
सागा दावा महिनाको १५औं दिन बुद्धको जन्म, ज्ञान र (मृत्यु) परिनिर्वाणसँग सम्बन्धित मिति हो।
२०२० मा, सागा दावा दुचेन (Saka Dawa Duchen) को १५औं दिन जून ५ मा पर्नेछ।
राम्रा कामहरू विशेष गरी महिना को १५ औं दिनमा सागा दावा महिनामा योग्यता प्राप्त गर्नका लागि गरिन्छ। सामान्यतया गरिने केहि कामहरू यस प्रकार छन्:
१. मासु र मासुले बनाएका उत्पादनहरूलाई नखाने ।
२. घ्यु बत्ती बालेर विभिन्न पूजा (विधिहरू) गरेर बुद्धको पूजा गर्ने।
३. स्तुपा, मन्दिर र अन्य पवित्र स्थानहरूको वरिपरि घडी घुम्ने दिशामा घुमेर प्रार्थना र मन्त्र पढ्ने।
४. मन्दिर,गुम्बा, विहारलाई चन्दा दिने।
५.भिखारी र खाँचोमा परेकाहरूलाई पैसा दिने।
६. पवित्र स्थानहरूको भ्रमण।
७. सबै किसिमका जनावरहरूलाई मार्नु बाट बचाउने।
८. न्युंग ने (Nyung ney) लिने ; दुई दिनको गहन अभ्यास सहित।
आठ महायज्ञ उपदेशहरू पनि सागा दावा को समयमा पालना गरिन्छ, विशेष गरी पूर्णिमाको दिन वा नयाँ चन्द्रमाको दिन - १५ औं दिन वा सागा दावाको ३० औं दिनमा यि आठ आज्ञाहरू पालना गरिन्छ:
१. प्रत्यक्ष वा अप्रत्यक्ष रूपमा मार्नबाट टाढा रहनु ।
२. चोर्नबाट टाढा रहनु
३. मालिकको पूर्व अनुमति बिना अरूको चीजहरू लिन बाट टाढा रहनु बच्न।
४. यौन सम्पर्क बाट टाढा रहनु ।
५. झूट बोल्ने र अरूलाई धोका दिन बाट टाढा रहनु ।
६. मदिरा, सुर्तिजन्य र मनोरन्जनात्मक लागूपदार्थबाट टाढा रहनु ।
७. एक भन्दा बढी खाना खानबाट बाट टाढा रहनु
८.मासु, कुखुरा, माछा, अण्डा, प्याज, लसुन र मूला खानबाट टाढा रहनु
